Nangin maduagon ang highlight sang 2019 Paraw Regatta Festival nga amo ang Main Sailing Competition nga ginhiwat kahapon sa Villa , Arevalo.
May napulo ka paraw ang nagpasakop sa paindis-indis sa Category A, napulo man sa Category B kag 13 naman sa Category C.
Sa pagtapos sang competition, nag-champion sa Category A ang paraw nga may ngalan nga LD ni Winnie Demetillo Sr. kag may premyo nga 45,000 pesos.
Nagapangaduha ang KD nga ginapanag-iyahan ni Kevin De Asis nga magabaton sang 27,000 pesos nga premyo kag pangatlo ang RB ni Rogelio Gareza nga may premyo nga 16,000 pesos.
Samtang sa Category B, nagchampion ang Jolina ni Reuven Tajanlangit nga nagbaton sang premyo nga 67,500 pesos, nagapangaduha ang KISS ni Ricardo Gavales nga may premyo nga 45,000 pesos kag ikatlo ang Kristine band Kissie ni Oscar Espinosa nga may premyo nga 18 mil pesos.
Sa category C naman nagpangibabaw ang paraw ni Efren Aguirre nga may premyo nga 90 mil pesos, ginasundan sang paraw para Rona Casidsid, nga may premyo nga 67,500 kag ang ikatlo amo ang paraw ni Ronel Cahilig nga may kahulugan kag may premyo nga 45, 000 pesos.
