Plano ni Mayor Jerry Trenas nga ipaiway ang paghiwat sang Paraw Regatta Festival subong nga tuig bangud sa pamahog sang novel coronavirus.
Suno kay Mayor Trenas nga ila ginatun-an ang posibilidad nga pag-postpone sang nasambit nga festival base man sa rekomendasyon sang City Health Office agud malikawan ang posible paglapta sang coronavirus.
Nahibaluan nga ang Paraw Regatta Festival ang isa man sa mga kahiwatan sa siyudad sang Iloilo nga ginadagsa sang mga turista.
Ang Paraw Regatta 2020 ang natalana nga hiwaton sa Pebrero 23 tubtub Marso 3.
Karon sa udto mahimo mahibaluan ang desisyon kon dayunon ukon ipaiway ang paghiwat sang Paraw Regatta Festival 2020.
Facebook Comments
