Davao City – Kritikal kaayo nga seguraduhon usa nato ang klarong proteksyon kun kaluwasan sa atong mga estudyante sa nag ong-ong nga pagbukas sa klase karong August 24.
Sa interview sa DXDC radio social commentary program ‘Straight to the Point,’ giklaro ni Reynaldo Pardillo, Alliance of Concerned Teachers (ACT) Davao City Chapter President nga gikinahanglang maseguro usa nato ang pagpanalipod sa kaluwasan sa atong mga education frontliners sama sa gikinahanglang benepisyo hangtud nga wala pay bakuna kontra COVID-19.
Segun ni Pardillo, mamahimong makonsidera ang face-to-face learning sa atong mga kabataan kung adunay lig-ong assurance sa safety protocols diha sa mga eskwelahan susama sa pagbaton kun pag-utilisar og thermal scanner, alcohol, foot bath, sanitizer ug uban pa.
Giklaro ni Pardillo nga anaa sa 2% pa lamang sa mga kabataan or ginikanan migulang kumbinsido sa online kun distance learning diin mayoriya kanila dakung uyon sa modular learning delivery mode subay sa gihimong nationwide survey sa learning style preferences alang sa pagbukas sa School Year 2020-2021.
RadyoMan Bernard Pantallon
