Davao City – Sakit gayud palandungon ilabina sa mga ginikanan nga nabakunahan sa Dengvaxia ang ilang anak tungod kaya dunay namatay na sa nagkadaiyang lugar sa nasod.
Sumala ni Department of Education (DepEd-XI) public affairs head Jemima Gala, wala silay nadawat nga report nga dunay estudyanteng nabakunahan niining dengvaxia.
Gipasabot usab ni Gala nga daghang ginahatag nga bakuna sa mga tinun-an sama sa tipdas ug uban pa apan dunay pagtugot sa Department of Health (DOH).
Tungod niini, nanawagan siya sa mga ginikanan nga magbantay sa ipahigayong mga pagbakuna sa ilang mga anak aron malikayan ang susamang nahitabo sa Dengvaxia.
Nagtoo si Gala nga wala maapektohi sa isyu sa Dengvaxia ang ubang mga pagbakuna sama sa tipdas tungod kay regular na kining ginahimo ug walay nadaut, dili sama sa nahitabo karon sa Dengvaxia nga dunay namatay.
RadyoMaN Bernard Pantallon
