Gidakop sa Station 6 sa Mandaue City Police Office (MCPO) ang usa ka pari human giapsanginlan sa usa ka menor de edad nga nipasakit kaniya .
Si Reverend Father Decoroso Olmilla , 61 anyos ug kura paruko sa Nativity of Mary Parish sa Canduman Mandaue gireklamo sa 15 anyos nga bata nga nibunal kaniya ug baga nga karton ug nipatid kaniya kay nasuko nga wa mapakaon ang iyang iro niadtong Miyerkoles Disyembre 26 sa hapon .
Si Po1 Jinalyn Formentera sa Women`s Desk sa Station 6 nibutyag nga pag-uli sa bata giingong puwerteng sukoa ni Olmilla ug didto na napasakitan ang bata suds a kombento.
Ang bata anak sa tigluto sa kombento .
Nagdumili hinoon si Olmilla sa pagluwat ug pahayag samtang naghuwat sa iyang abogado ug samtang nagpaabot nga pasakaan siya ug reklamo .
Posibling mag-atubang ug kasong child abuse ang maong pari subay sa maong pasangil.
