PARI NGA PINOY SA PHILADELPHIA, GIN RAPE ANG IYA "ALTAR GIRL" KAG GINKUHAAN PA SANG VIDEO SAMTANG GINAHIMO ANG KRIMEN

11129

Report ni: Jennifer Palomo Debaja

Boluntaryo nga nagsurrender sa otoridad si Rev. Armand Garcia, 49-anyos kag naga pangatubang sang kaso nga rape kon sa diin ginkuhaan pa sang video ang ginhimo nga krimen sa iya altar girl sa Philadephia.

Kinumpirma sang abogado ni Garcia nga si Atty. William Brennan, ang pagpatawag sa pari sa kaso nga pagpanglugos sa dalagita nga iya anay altar girl kag pagkuha sang video samtang ginahimo ang krimen sa menor de edad.

Base sa dokumento nga ginpresentar sa korte, natabo ang krimen sadtung Agosto 2014 sa simbahan sang Immaculate Heart Parish sa Roxborough .

Suno sa pahayag sang biktima, ginapainom siya sang pari kag gina pagamit sang cannabis | marijuana antis niya ini gamiton.

Dugang pa sang biktima, natabo ang krimen sa kumbento kag sa iban pa nga lugar sang nagaedad palang ini sang 16-anyos.

Naka tsansa kag nakapanugid ang dalagita sang ginsaylo si Garcia sa bag-o sini nga parokya.

Regional representative si Garcia sang National Association of Filipino Priests sa Philadelphia.

Ginpasugtan nga maka pyansa ang pari sang $250,000 sang Lunes para sa iya temporaryo nga kahilwayan.

Nakaskedyul naman ang preliminary hearing sang kaso sa Marso 14.

Facebook Comments