Kahit tirik ang araw, pinili ng isang pari sa Calamba, Laguna na maglibot sa kaniyang baryo para magbigay ng basbas bilang proteksyon laban sa coronavirus disease 2019 (COVID-19).
Nakunan ng residenteng si Marie Magpantay ang pag-iikot ni Fr. Eugene Fadul, isang kura paroko mula sa San Isidro Labrador.
Suot ang sutana at face mask, binasbasan ni Fr. Fadul ang bawat bahay sa Barangay Makiling noong Marso 29 ng umaga.
Kuwento ng uploader, labis ang pasasalamat ng mga kabarangay niya sa ginawang sakripisyo ng kura paroko upang muli silang mapalapit sa Panginoon kahit may pinagdaraanang pagsubok.
Facebook Comments
