Nasungkit ng South Korean actress na si Park Eun-Bin ang Daesang o grand prize sa katatapos lamang na 59th Baeksang Arts Awards.
Ito’y para sa pagganap niya sa legal drama series na “Extraordinary Attorney Woo.”
Nakamit naman ng veteran actress na si Song Hye-Kyo ang Best Actress Award para sa kanyang role sa hit revenge series na “The Glory” na nagwagi rin bilang Best Drama.
Habang naigawad sa kanyang co-star na si Lim Ji-Yeon ang Best Supporting Actress.
Samantala, si Lee Seung Min naman ng “Reborn Rich” ang nakakuha ng Best Actor Award, Best New Actress na si Roh Yoon Seo ng “Crash Course In Romance,” at Best New Actor na si Moon Sang Min ng “Under The Queen’s Umbrella.”
Facebook Comments
