Pagadian City – Patay ang usa ka parking attendant human kini nabanggaan sa usa ka Mitsubishi Montero Sports alas 8:10 sa buntag kagahapong adlawa sa F.S Pajares Avenue, Santiago District, Pagadian City.
Ang biktima ang giilang si Nasher Lipai Jailani, 33anyos, ulitawo, usa ka parking attendant, ug residente sa Purok Campo Islam, Leon Kilat, San Pedro, Pagadian City kinsa aksidenteng nabanggaan sa usa ka Mitsubishi Montero Sports nga ngatangag sa plaka numero PGQ568 nga gimaneho ni Iluminada Barrozo Estabas, 62 anyos, minyo ug residente sa Santa Maria, Pagadian City.
Sa imbestigasyon nasayran nga moparking na unta ang nasangpit nga sakyanan sa Jollibee parking area apan sa kalit natamakan niini ang para padagan ug wala na makontrol sa driver hinungdan nga aksidente kining mibangga ngadto sa biktima nga maoy mi assist kaniya sa iyang pag parking.
Nakaangkon ug hilabihan nga samad ang biktima ug daling gidala sa Mendero Hospital arun katambalan apan pipila ka mga minuto, gideklara kini sa doctor nga hingpit na nga nabugtuan sa gininhawa.
