Davao City – Gisugdan na kagahapong adlawa, January 2, 2019 ang public pay parking sa pipila ka areas sa syudad sa Davao.
Sumala ni City Transport and Traffic Management Office (CTTMO) Chief Diosinio Abude, hingpit kining gipatuman sa San Pedro Street, Ilustre Street, Pelayo Street, Iñigo Street, Villa Abrille Street, Monteverde Street ug Duterte Street ning syudad.
Matud pa nga hugot kining ipatuman sa tanan ug walay exemption bisan pa man sa mga government vehicles.
Samtang sumala ni Kennice Castillo, motoristang nag-park sa may San Pedro St., pabor kini sa maong sistema apan kinahanglang bantayan usab ang mga giparking nga behikulo.
Base sa parking rates, unang duha ka oras nga parking sa bisikleta adunay bayad nga P2 ug P1 sa mosunod nga oras, mga motorsiklo adunay bayad nga P5 ang unang duha ka oras samtang P1 sa mosunod pa nga oras, P20 sa mga light vehicles sa unang duha ka oras ug dugang P10 kung mosobra, samtang P100 para sa truck ug buses sa duha ka oras ug dugang P20 sa succeeding nga oras matag Lunes hangtod Sabado sugod alas-6:00 sa buntag hangtod alas-9:00 sa gabii.
RadyoMaN Aimee Guinita
