Davao City – Ginadili na ang pagparking daplin sa kadalanan sa Brgy. 76-A ning syudad sa Davao sugod sa bulan sa Enero.
Kini ang gibutyag ni Brgy. 76-A Kapitan Rolando Trajera atol sa pakighinabi sa ‘Serbisyong Straight to the Point’ Team kaniya kinsa miingon nga makigpartner sila sa City Transport and Traffic Management Office (CTTMO) alang sa gitawag nga ‘No Parking Area’.
Gipasabot ni Trajera nga gamay ang ilang kadalanan diin posibleng maglisod ang kabomberohan kun galling adunay mahitabo nga dagkong sunog.
“Sa mga tricycle drivers nato, ila lang ipadaplin ilang sikad, ayuhon og park gumikan adunay designated area kay mao ni among kasabutan sa CTTMO ni Col. Abude so amo gyod nang i-implementar kay para malimpyo napod ni among barangay,” saysay niini.
Sumala ni Kapitan Trajera, kaniadto pa kining problema sa maong barangay gani ila kining gihimoan og ordinansa ingon man mga silot batok sa mga malapason.
RadyoMaN Jason Amisola
