Davao City – Ang Sangguniang Panglungsod sa Davao taudtaud nang nagpasar og ordinansa alang sa pag-engganyo sa private sector nga magbutang og mga high-rise parking spaces ug facilities aron ma-solusyonan ang problema sa kakulang sa paradahan sa mga sakyanan sa sentrong bahin ning atong syudad.
Sumala ni Third District Councilor Conrado Baluran, Chairman sa SP Committee on Transportation and Communication, unod sa maong ordinansa mao nga hatagan sa tulo hangtod lima ka tuig nga tax holiday kun leeway ang mga negosyante nga dili usa kolektahan sa real property tax, business permit ug uban pang balayronon sa panudlanan sa dakbayan.
Matud ni Baluran, ikaduhang lakang nga gihimo sa Konseho dinhi mao ang pag-ila sa mga dalan sama sa San Pedro, Legazpi ug Anda nga butangan ug parking spaces nga dunay kobransa samtang gilaraw usab nga magpasar ug balaudnon aron gamiton ang mga bakanteng lugar nga iya sa gobyerno aron tukoran sa high-rise parking areas tungod kay hangtod karon, wala pay mga private sector takers sa maong insentibong gitanyag niini.
Gisugilon usab ni Baluran nga magpasar sila og laing lokal nga ordinansa alang sa hugot nga pag-implementar sa ‘No Parking Space, No Car’ national policy.
RadyoMaN Bernard Pantallon
