Davao City – Nagtagbo ang kanhi maglive-in partner sulod sa City
Prosecutor’s Office pasado alas 6:00 sa gabie kinsa mga ginikanan sa
namatay nga tres anyos nga bata.
Sa pagpanubay sa RMN DXDC Davao, gipasang-at na sa inahan ang kaso nga
parricide batok sa suspetsado.
Napuno sa kapungot ang inahan sa bata human niini makita ang suspek kinsa
gitudlong responsable sa kamatayon sa ilahang anak.
Gipanaad niini nga antusan gayod niya ang matag hearing aron lamang
magpadayon gayod ang kaso batok sa amahan ug sa ingon man matagaan gayod og
hustisya ang kamatayon sa bata.
Samtang, dako ang iyang pasalamat sa lokal nga panggamhanan sa pag atiman
kanila ug sa paspas nga aksyon aron sa daling panahon napasang-at na ang
kaso sa korte batok sa suspek.
Sa pikas bahin, giabaga sa lokal nga panggamhanan ang tanang galastuhon
gikan sa ospital, sa puneryarya ug hangtod na nga mahatod ang menor de edad
nga biktima didto sa ilang lugar sa Malungon Gamay, Sarangani Province.
Sumala ni Democrita Sarmiento, CSSDO QRTCC Social Worker aduna pay itunol
nga pinansyal nga tabang gikan sa City Mayor’s Office para sa mag-inahan
una pa man kini sila mupauli didto sa ilang probinsya.
RadyoMaN Aimee Guinita
