Usa ka resolution karon ang nagdeklara sa lugar nga kabahin sa Zone 5, Barangay Kauswagan Cagayan de oro city isip usa ka calamity area human sa sunog nga nahitabo niadtong Enero 13. Sa ika 18th session nga gipahigayon sa syudad kining maong resolution ang gilayon naaprubahan.
Kahinumduman nga mitunol sa ilang mga hinabang sama sa pagkaon ug bisan unsa pa nga tabang sa mga nasunugan ang CSWD apil na usab ang P15,000 nga financial assistance niini.
Ang tanang lihok nga pag ayuda ang nakabase usab sa Disaster report nga gipadala sa CSWD kun City Social Welfare and Development Department. Apil na usab niini ang certification nga giisue sa Office of the District Fire Marshal.
Sila si Konsehal Ian Mark Nacaya ug Konsehal Yan Lim isip maoy naghawid sa committee on barangay affairs ang mihimo sa pagindorso sa maong resolosyon.
