Davao City – Striktong inspeksyon ang gihimo sa mga personahe sa Task Force Davao sa tanang mga musulod sa Lasang Checkpoint subay sa implementasyon sa PARTIAL LOCKDOWN sa Davao City ilawom kini sa Executive # 11 nga gilagdaan ni Mayor Sara Duterte sa pagpugong sa COVID-19 nga makasulod sa lungsod.
Sa interbyu sa RMN Davao kang Task Force Davao Commander Col. Consolito Yecla, 11 ka mga bus ang gipabalik nga adunay mga pasahero, 13 ka mga vans, 45 ka mga pribadong sakyanan ug 57 ka mga motorsiklo ang wala gitugotang makasulod sa syudad ug gipabalik sa Tagum.
Samtang, 43 ka mga sakyanan ang igieskortan sa militar gikan kinig Tagum City pagawas og Davao City kagahapong adlawa.
Gawas sa mga law enforcement unit nakadeploy usab ang 13 ka mga personahe sa City Health Office sa hugot nga implementasyon sa partial lockdown.
RadyoMaN Aimee Guinita
