Davao City- Kapin 500 ka mga malapason sa balaod trapiko ang naisyuhan og citation tickets karong adlawa, Setyembre 11 dinhi sa siyudad sa Dabaw.
Sa interbyu sa DXDC RMN Davao kang City Transport and Traffic Management Office (CTTMO) head Dionisio Abude, gibutyag niini nga base sa datos, dunay 293 ka mga jaywalkers ang na-isyuhan og ticket, 160 sa mga drivers, 73 ngadto sa uban pang nakalapas sa balaod sa kadalanan.
Dugang ni Abude, wala pa napinalisar ang datos ug laumang makumpleto ang tally niini ugmang adlawa apan dili pasabot nga karong adlawa lang gipakusgan ang pag-implementar sa pag isyu og citation tickets tungod kada-adlaw nilang sigurohon nga ma-disiplina ang katawhan sa balaod trapiko.
Hangyo ni Abude sa publiko nga sundon ang mga balaod nga gi-implementar sa dakbayan, disiplanahon ang kaugalingon ug aron mahatagan og kahusay ang mga mugamit sa kalsada.
Kasamang Renz Barbarona
