Pormal nang gipadangat sa usa ka Partido ngadto sa Department of Interior and Local Government o (DILG) ang reklamo nila batok sa mga sakop sa kapulisan nga giingong nangharass sa ilang mga supporters sa checkpoint niadtong Abril 14, ning tuiga.
Gihangyo nila ang DILG nga hatagan og seguridad ang katawhang lumulupyo sa Iligan, imbestigahan ang panghitabo ug pahamtangan og pagdisiplina ang hingtungdang mga pulis.
Buot usab nila nga ipaklaro sa DILG ang limitasyon sa Philippine National Police sa ilang partisipasyon sa ipahigayon nga pinili-ay karong umaabot nga Mayo 13.
Kahinumduman nga giila sa maong Partido nga pagpangharass ang gihimo sa mga pulis sa dihang gipakanaog ug gipangkuhaan matud pa og hulagway ang ilang mga supporters nga miagi sa checkpoint gikan sa pagpangampanya.
