Davao City – Wala gihapon nagkumpyansa ang awtoridad sa dakbayan bisan pa man walay solidong impormasyon may kalabutan sa pagpanghatag og party drugs dinhi sa syudad ilabi na atol sa pagsaulog sa 82nd Araw ng Davao diin sunod-sunod ang mga kalingawan nga nakalaray.
Kini subay sa pagkamatay sa usa ka 19-anyos nga medical student kinsa giingong na-overdose sa ecstasy atol sa Sinulog party sa milabay’ng bulan.
Sumala ni Davao City Police Office (DCPO) Director P/Sr. Supt. Alexander Tagum, mag deploy sila og mga intelligence officers aron magmonitor sa mga nagapanghitabo sulod sa event place sa Araw ng Davao.
Dugang niini, aduna na silay information dissemination campaign ngadto sa mga bar owners nga kanunay i-monitor ang mga kliyente gani i-report kanila kung adunay mamatikdang kadudahang lihok.
Gani padayon sa pagkakaron ang ilang monitoring ilabi na sa kasikbit nga mga lugar aron malikay nga makasulod ang iligal nga droga dinhi sa syudad sa Davao.
RadyoMaN Jason Amisola
