Makagradwar na ang masobra 20 ka mga BS Pharmacy graduating students sang Central Philippine University nga una na gin 5 sang ila instructor sa Clinical Pharmacy nga si Analie Serafino.
Suno kay Dr. Teodoro “Ted” Robles, Presidente sang Central Philippine University , iya gin-analisar ang grado sang mga estudyante kasunod sang reklamo sang mga ini kag iya nakita nga may kinahanglan nga i-interpret sang maayo kabangdanan iya ginpa-istorya sa Vice President for Academic Affairs upod sa Dean sang College of Pharmacy ang instructor nga si Serafino.
Ginpahayag ni Robles nga nariyalisar sang dean kag sang instructor nga kinahanglan i-compute liwat ang mga grado bangud may sala sa interpretasyon sang grades sang estudyante.
Bwas nga adlaw, natalana nga pirmahan ni Robles ang mga grado sang mga estudyante nga lunsay nakapasar kasunod sang recomputation.
Suno kay Robles, nakapasar ang tanan kag makagradwar ang mga estudyante sa maabot nga Abril 23.
Madumduman nga nagpalab-ot sang reklamo sa RMN Iloilo ang masobra 20 ka mga BS Pharmacy student bangud indi ang mga ini makapati nga gin 5 sang ila instructor.
#TatakRMN <www.facebook.com/hashtag/tatakrmn?source=feed_text> #RMNExclusive <www.facebook.com/hashtag/rmnexclusive?source=feed_text>
ctto
