PASADO NA || HAGNA NGA NAGAHATAG SANG FRANCHISE SA MORE POWER CORPORATION NGA MANGIN POWER DISTRIBUTOR SA ILOILO CITY, PASADO NA SA THIRD AND FINAL READING SA SENADO.

59

Pasado na sa ikatlo kag katapusan nga pagbasa sa senado ang hagna nga nagahatag sang franchise sa MORE Power Corporation nga mangin power distributopr sa siyudad sang Iloilo.

Ini ang ginkumpirmar ni Mr. Jonathan Cabrera, spokesperson sang MORE Power Corporation.

Suno kay Cabrera nga eksakto alas 3:10 kahapon sang hapon sang ginduso ang pagpasar sang nasambit nga hagna nga gin-aprobahan man sang mayoriya sang senado.

Ginhatagan pagtamod ni Cabrera nga wala nila ginalauman nga maaprobahan kahapon ang hagna bangud sa ila pagpati nga subong nga adlaw pa ini ipasulod sa third and final reading.

Angut sini, pagatalakayon pa sa bicameral conference committee ang hagna nga nagahatag sang franchise sa more power corporation agud mangin power distributor sa siyudad sang Ilolilo.

Nagalaum si Cabrera nga aprobahan ni Presidente Rodrigo Duterte ang hagna kag ginalantaw nila nga matigayon ini tanan antis pa mag-expire ang franchise sang PECO sa Enero 18, 2019.

Facebook Comments