Davao City – Wala na nakasulod sa Davao City, ang usa ka lalaki human naharang ug nakuhaan sa mga illegal nga droga sa Lasang PNP/Task Force Checkpoint kagahapon sa alas 7:10 sa buntag August 9, 2023.
Sa report gikan sa Davao City Police Office (DCPO), naila ang suspek nga si Herbert Jason Tingson Piansay, 38 anyos, residente sa 8 Street, Guadalupe Village, Lanang, Davao City.
Narecover sa kapulisan kang Piansay, ang usa ka (1) ka heat sealed transparent plastic sachet nga adunay sulod nga gituohang shabu nga adunay gibug-aton nga 4.11 gramos ug mokantidad sa P30,000.00.
Sumala pa ang suspek pasahero sa Public Utility Bus ug gidakop ni PCPL Emar Joseph Gultiano sa PNP/TF fixed checkpoint sa nasampit nga lugar partikular na sa Public Utility Bus inspection area, human nasakpan nga naghupot sa gidudahang illegal drug. Ang suspect mag-atubang og kasong kalapasan sa RA 9165 Comprehensive Dengerous Drugs Act of 2002.
RadyoMaN Don Pulayao
Facebook Comments
