Davao City – Mireklamo sa Talomo PNP ang usa ka pasahero human mahanaw ang iyang bagahe samtang nibyahe gikan sa dakbayan sa Davao padulong sa Cotabato City.
Sa blotter sa Talomo PNP, misakay si Sahara Luminog Ork 29 anyos, caregiver, nagpuyo sa Mini Forest Boulevard sa Mindanaostar bus sa Davao City Overland Transport Terminal (DCOTT) apan pag-abot sa iyang destinasyon nahanaw ang iyang bagahe nga dunay sulod nga mga mahalong fashion accesories.
Gisukna sa pasahero ang konduktor sa maong bus apan mihimakak kini nga ilang nakarga ang bagahi sa complainant.
Mibalik sa DCOTT ang complainant aron susihon ang CCTV sa maong bus terminal ug nakumpirmar nga nakarga gayud iyang bagahe.
Misamot ang kasagmuyo sa complainant human walay nitagad sa iyang reklamo sa dihang miadto kini sa opisina sa Mindanaostar aron ipadangat ang iyang reklamo.
Ang kaso anaa na sa Investigation Section sa Talomo PNP.
RayoMaN Erin Lumosbog
