Sa wala damha nga kahigayonan nahulog sa kamot sa mga tinugyanan sa balaod ang Top 3 Priority Target sa Sibuco Mps ug naila kining bag-ong personalidad nga nag operate sa munisipyo sa Sibuco may kalabutan matod pa sa droga.
Kahinumduman nagpahigayon ug checkpoint ang kapulisan sa Sibuco uban sa 42ndIB PA partikular sa may dalang nasyunal brgy. Nala lungsod sa Sibuco, niadtong higayuna ilang naharang si Arman Adami Mandusih, hingkod ang pangidaron ug usa ka habal-habal drayber nagpuyo sa Brgy. Puliran, Sibuco.
Si Arman aduna kini pasahero nga nisakay gikan sa Labuan Zamboanga City padulong sa Puliran, Sibuco nga kung diin nailang si Alih Samson Tarawi, 44 anyos, sa gihimong pag beripika sa mga pulis kun aduna ba lisensya ang nagmaneho pakyas kining makapakita. Samtang gihangyo usab sa mga tinugyanan sa balaod ang pasahero niini nga mopakita ug I.D.
Sa pagkuot sa iyang pitaka nabantayan sa mga pulis nga daw sa duha-duha kini nga mo abli ug ipakita kanila sa iyang pag abli niini, nakita nga adunay transparent heat sealed nga pakete ug adunay sulod nga white crystalline substance gituohang shabu, sa walay paglangan ge aresto sa mga pulis ang maong pasahero. Nakuhaan ug gagmayng mga pakete nga adunay sulod nga gidudahang shabu, mga drug paraphernalia, cellphone ug salaping cash.
Sa pagkakaron pormal na nga pasakaan ug kasong paglapas sa R.A 9165 Comprehensive Dangerous Drugs Act Of 2002 ang dinakpan.
