Davao City – Mireklamo sa Talomo PNP si alyas Tina, 19 anyos, dalaga ug nagpuyo sa Catalunan Pequeno human kuhai og video sa iyang kaatbang nga pasaherong lalaki sa PUJ gikan Mintal padulong Ulas ning syudad sa Davao alas 10:40 sa kabuntagon.
Sa blotter sa presinto tres, nakabantay ang dalaga nga gibutang sa suspek nga si alyas Greggy, 45 anyos, government employee, ang cellphone tunga-tunga sa duha niini ka paa ug tumong sa bilahan sa dalaga.
Gibati ug kabalaka ang dalaga ug pagkakita niini nga dunay nagpatrolyang police daling gimandoan ang driver sa PUJ nga mohunong dayong pangayo og tabang sa mga otoridad.
Sa presinto nahusay ra ang dalaga ug suspek human masiguro nga gi-delete ang video nga kuha ni alyas Greggy.
RadyoMaN Erin Lumosbog
Facebook Comments
