Davao City – Padayong nanawagan ang Land Transportation Franchising and Regulatory Board (LTFRB) XI sa publiko nga kihananglan magsul-ob og face masks ug face shield/eye protector isip dugang requirements sa social distancing sa mga Public Utility Vehicle (PUV).
Sa interview sa DXDC RMN Davao kang LTFRB XI Regional Director Atty. Armand Dioso, dili pa hingpit ‘full blast’ ang implementasyon niini ug anaa pa sa adjustment period ang maong mando karong panahona.
“Gina-consider nato ang adjustment kay sa availability sad aning atoang face shields ug eye protectors but full blast amoang info dissemination atleast man lamang immediately makapalit na dayon og face shield ug eye protector ang atoang mga pasahero, drivers ug conductors,” sulti ni Dioso.
Dungan niini, gidili ang mga pag-istorya ug pagtawag sulod sa mga PUVs.
RadyoMaN Aimee Guinita
