PASAKAAN KASO | 32-anyos nga mister, dakop sa drug buy bust operation; 9 ka sachet sang illegal nga droga, narekober sang kapulisan

Ivisan, Capiz – Natalana nga pagapasakaan sang kaso nga paglapas sa Republic Act 9165 ukon Comprehensive Dangerous Drugs Act of 2002 ang 32-anyos nga mister matapos madakpan sa drug buy bust operation sang Station Drugs Enforcement Team sang Ivisan Municipal Police Station sa Sitio Boulevard, Barangay Ondoy, Ivisan, Capiz.
Ginkilala ang suspek sa kay Rex Caputero Durana, residente sang nasambit nga barangay. Nakuha sa mga kamot ni Durana ang 9 ka sachets sang suspected shabu, marked money kag iban pa nga drug paraphernalia.
Samtang hugot naman nga ginapanginwala ni Durana nga nagaduso ini sang illegal nga droga. Sa karon, nagapabilin sa karsel sang Ivisan Municipal Police Station ang nasambit nga suspek.