Igapasaka sang Mandurriao PNP ang kaso nga murder batuk kanday Kulius kag Roy delos Reyes subong nga adlaw, Enero 8, angut sa pagpatay kay Mercedes “Gingging” Nava kag Erwin Fontillas sang nakaligad nga Biyernes sa Calajunan, Mandurriao.
Ginpahayag ni Police Chief Inspector Marlon Valencia nga ang nasambit nga kaso ila ipasaka batuk sa duha matapos nga ini sila ang gin-aresto kahapon sa City hall base sa pagtudlo sa ila sang mga witness.
Samtang, bilang reaksyon sa pahayag ni Councilor Plaridel Nava nga magabato sila sa igapasaka nga kaso , ginpahayag ni Valencia nga kinamatarung ini sang konsehal nga depensahan ang ila kaugalingon.
Ginhatagan pagtamod sang opisyal nga ginahimo lamang nila ang ila obligasyon base sa pahayag sang mga witness.
