Ivisan, Capiz- Nagkatuhay nga mga aktibidades ang igapatigayon subong nga adlaw sang Sabado may kaangut sa “Udyak Festival” sa Brgy. Basiao sa banwa sang Ivisan.
Suno kay Municipal Tourism Officer Mrs. Clyde Villareal, may yara sang mangrove planting, island hoping kag mahimo man nga makabisita sa mga mussel kag oyster farms kaupod ang mga indigenous people kag Panay Bukidnon.
Samtang mangin balantayan man ang igapatigayon nga Bangkarera sang mga mangingisda kun sa diin gamit lamang snag mga ini ang bugsay.
Pagkahapon, may yara sang cultural presentation, masaksihan man ang inter-active demonstration kun paano ang pag-obra sang baroto, pag-obra sang mga basket, shellcraft-making kag nito-weaving kaupod ang mga indigenous people. Nahibaloan nga kahapon nga adlaw, nag-umpisa na ang pila sa mga aktibidades sa “Udyak Festival” sa Brgy. Basiao.
**(photo: Prosmarie Valbarez Malan)**
*tags:Visayas,Roxas,DYVR,DYVR657,Capiz,Basiao Ivisan,Udyak Festival*
