Duha pa lamang ka adlaw matapos magpungko bilang Regional director sang Police Regional Office 6, apat na ka mga pulis nga ginpahayag nakit-an sa bulangan ang ginpatawag ni Chief Supt. John Bulalacao.
Ang apat ka mga pulis naghalin sa siyudad sang Iloilo, Negros Occidental, Capiz kag Regional Headquarters Support Group.
Suno kay Bulalacao nga nagsulod sa gihapon sa bulangan ang natungdan nga mga pulis apisar sang iya paandam nga ginadilian sa mga otoridad ang pagsulod sa mga bulangan.
Igapaidalum, anay sa pre-charge investigation sang Regional Investigation and Detective Management Division kag kon may probable cause ang alegasyon batuk sa ila, igapasaka ini sa summary hearing.
Ang pagpatawag sa mga pulis ang indikasyon nga seryoso ang bag-o nga liderato sang PRO-6 nga tinluan ang organisasyon batuk sa mga salawayon nga mga pulis.
(c) PRO 6 Twitter
