Himoon karong Disyembre tres ning tuiga, adlawng Lunes ang Pasko de Oro Parade.
Kini salmotan sa mga banda sa elementarya gikan sa pribado ug pampublikong tunghaan ning syudad sa Cagayan de Oro.
Nasayran nga dunay minimum contingent nga 50 ka miyembro ang kada banda nga moapil ug magpatukar sa mga kanta sa pasko samtang magparada sa kadalanan gamit ang mabolokong mga costumes nga adunay tema sa pasko.
Lakip sa mga special awards nga ihatag sa kagamhanang lokal sa syudad alang sa mga mananaog mao ang Best in Christmas Accent nga dunay premyo nga dies mil pesos, Best in Musicality nga dunay premyo nga dies mil pesos, Most Disciplined nga dunay premyo nga dies mil pesos, Best Band Majorette nga makadawat og 2,500 pesos ug Best Band Master nga dunay 2,500 pesos nga premyo.
Matud sa City Information Office nga sa mga gustong mosalmot pwedeng makigkita kang John Alex Pontillas sa City Tourism and Cultural Affairs Office sa city hall o motawag sa celfon number 0927-5955326 ug telephone number 857-3164.
