Davao City – Matag Disyembre adunay ginatunol nga pahalipay ang City Government of Davao alang sa mga tourista ingon man mga Dabawenyo ug mao kini ang kasaulogan sa pasko fiesta.
Karong tuiga ‘Candy Land’ ang tema sa decors sa City Hall diin mapuno kini sa mga lollipops ug candy-like decorations ang maong establisemento.
Nasayran nga doble ang budget karon sa syudad diin P17M ang gitagana gikan sa P9M sa milabayng tuig.
Niadtong Disyembre 1 pormal kining gibuksan diin gidugok kini sa katawahn ilabi na nga mao usab kini ang unang adlaw nga gipasiga ang mga christmas lights sa City Hall ingon man ang giant christmas tree sa Rizal Park.
Sa maong opening ceremony gilangkuban kini sa nagkadaiyang performance gikan sa mga local artist nga miapil og mga international contests.
Gitambongan usab kini sa inahan sa dakbayan diin mihatag sa iyang mensahe alang sa month long celebration sa syudad sa Dabaw.
Sa iyang mensahe, gihatagan og hibug-aton sa mayor ang paghatag og importansya sa mga kabatan onan ning kasaulogan.
“Let us make the season an avenue where we can take a look at how to improve the lives and welfare of our Dabawenyo children. If we will be able to make every child happy and free from hunger, that would be a gift that will be enjoyed beyond this season,” segun sa mayor.
Panghinaut sa alkalde nga dili usab mahikalimtan sa mga Dabawenyo ang paghatag ngadto sa mga labaw’ng nanginahanglan.
“(But) amidst the festivities, let us remember that Christmas is about giving, about sharing not just our blessings but our time, our efforts, our prayers for those who are in need,” dugang sa mayor.
Atol usab sa pagbukas sa maong selebrasyon, gi-montar sa City Government ang mga ‘free rides’ sa may Rizal Park aron paglingaw sa atong mga kabataan dinhing bahina.
Aduna usab pa contest ang City Government of Davao nga gisalmotan sa mga katawhan usa na dinhi ang ‘Parol sa mga Barangay’ diin tanang mga barangay dinhi sa syudad nagpa bonggahay sa mga parol nga naka display sa Marfori Botanical Garden.
Speaking of fun, aduna usab gimuntar nga santa clause sa Magsaysay Park ug Peoples Park aron manghatag og candies ug mga regalo ngadto sa atong mga chikiting.
Of course dili usab mawala ang mga pagkaon nga usa usab sa mga highlight karong Pasko, nangita ba mo og affordable yet very lami nga pagkaon? Hapit namo sa Kan-anan sa Tribo, usa ka food market sa Magsaysay Park nga highlight ang lamian nga pagkaon sa 11 ka tribo sa syudad sa Dabaw ug ang KAANDABAW, usa ka Christmas food street nga nahimutang diha sa may dalang Palma Gil.
Merry Christmas mga Kasama ug nanghinaot ako nga malingaw usab mo sa mga pahalipay gikan sa City Government of Davao alang sa mga Dabawenyo karong kasaulogan sa Pasko.
RadyoMaN Abi Bibera
