Pasko Fiesta 2018 gipangandaman

Davao City – Gipangandaman na sa lokal nga panggamhanan ang umaabot nga opening sa Pasko Fiesta karong tuiga.

Atol sa gipahigayong iSpeak Forum, gibutyag ni Davao City Tourism Officer Generose Tecson nga 75% na nga andam ang Davao diin gunahulat na lamang nila mahuman ang dekorasyong Winter wonderland nga tema nga idisenyo sa City Hall.

Sumala ni Tecson, gigahinan og P42 million nga pondo ang Pasko Fiesta nga opisyal nga paga ablihan karong Nobyembre 23 ning tuiga diin lakip na dinhi ang pagkaon alang sa security personnel nga mutabang aron mamentinar ang kahapsay ug kalinaw panahon sa entero selebrasyon.


Adunay 28 ka mga opisyal nga aktibidad ang gitanyag sa lokal nga panggamhanan diin pipila sa mga bag-ong aktibidad dinhi ang Pasko Fiesta Salo-salo, Sayaw sa Pasko, ug Lamdag Parada.

Nakaplastada na sab ang mga aktibidad alang sa mga kabataan, mga membro sa lesbian, gay, bisexual and transgender community, indigenous peoples, senior citizen ug mga tawong nabuhi nga adunay HIV.

RadyoMaN Jason Amisola

Facebook Comments