Davao City – Ibutang pagbalik sa selebrasyon sa ika-81 nga Araw ng Dabaw 2018 ang mga na-postponed nga mga aktibidad sa Pasko Fiesta sa milabayng Disyembre.
Sumala sa Executive Committee sa maong selebrasyon nga himuon sa Araw ng Dabaw ang wala nadayon sa Pasko Fiesta nga mao ang Lamdag sa Parada nga ipahigayon karong Marso 3, lakip na ang Koro sa Araw ng Davao karong Marso 11 ug ang Davao Unplugged Battle of the Bands nga ipahigayon karong Marso 18.
Samtang gikonsiderang highlights sa month-long celebration ang Datu Bago Awards nga matigayon karong Marso 13, Pasidungog (Marso 12), Parada Davaoeño (Marso 16), Araw ng Davao Street Party (Marso 17) ug ang Mutya ng Davao pageant (Marso 15).
Gani ugmang adlawa, pormal ng abrihan ang maong selebrasyon diin pangunahan ni Davao City Mayor Inday Sara Duterte- Carpio ang opening ceremony alas 6:00 sa gabii sa Rizal Park ning syudad sa Davao.
RadyoMaN Renz Barbarona
