Davao City – Excited na ang mga dabawenyo ingon man mga bisita sa mga aktbidad nga nakalaray sa Pasko Fiesta sa Davao 2018.
Sumala sa City Government of Davao, paga-abrihan karong adlawa ang maong aktibidad pinaagi sa gitawag nga Dan-ag Davao lighting ceremony alas 5:00 sa hapon ug himuon sa Rizal Park ning syudad sa Davao.
Dugang pa nga unya usab masaksihan sa mga dabawenyo ang pagpasiga sa giant Christmas Tree ug Davao City Hall Complex diin karong tuiga gihimo nilang Winter Wonderland-themed ang mga events sa Pasko Fiesta.
Gawas sa paga-atangan nga Dan-ag Davao lighting ceremony, angay usab adtuan o saksihan ang Pasko Fiesta Salu-Salo, Pasko Fiesta Carnival, Kahayag sa Pasko, Lamdag Parada, Sayaw sa Pasko, Pahalipay ni Santa (Meet & Greet) ug uban pa.
Subay niini, gipaniguro na sa security forces sa syudad ang seguridad sa tanan aron mamahimong hapsay ang Pasko Fiesta karong tuiga.
RadyoMaN Renz Barbarona
