Pasko pahalipay sa Taal sa mga Duterte, gidagsa sa kapin kun kulang 40K katao

Davao City – Gidayo pa sa mga tao gikan sa sulod ug gawas sa Davao City ang Ancestral house sa mga Duterte nga nahimutang sa Taal, Bangkal, Davao City aron makadawat og mga regalo sa Pasko Pahalipay sa Taal 2023.

Muabot sa kapin kun kulang 40,000 ka mga tao ang midagsa nga nisugod na og pila December 24 pa lang sa gabii.

Nahimo usab nga malinawon ang tinuig na nga panata sa pamilya sa tabang sa 4,000 ka mga kapulisan ug uban pang mga security forces sa dakbayan aron masigurong luwas ang tanan una, atol ug human sa distribusyon.

Kauban sa Talomo ug Mintal Police Station, naka-standby sab tibuok adlaw ug gabii ang Barangay Disaster Risk Reduction and Management (BDRRMC) Mintal aron makahatag dayon og atensyong medikal kung ugaling adunay mga emerhensiya.

Ang Pasko Pahalipay sa Taal usa ka tinuig ng aktibidad sa pamilya Duterte dili lamang ekslusibo alang sa lumulupyo sa Davao City.

Malipayong gidawat sa katawhan ang mga groceries, gift checks, pack lunch, ug cash.

Ug hapsay kining nahuman pasado alas 3 sa hapon gahapon, December 25, 2023.

RadyoMaN Ivy Parido