Davao City – Malinawong giselebrar sa katawhan sa Barangay Salaysay Third District ang Pasko.
Sumala ni Kapitan Robert Itdang, walay natala nga krimen ug kaguliyang sa iyang barangay atol sa pagsugat sa kapaskuhan.
Adunay mga pamilya ug mga kabanay nga nag-inum inum atol sa selebrasyon apan walay ni usa kanila amg nagmugna ug kagubot kun kasamok.
Ang tanang lumulopyo sa Salaysay gisugat ang Pasko pinaagi sa pagbanha gamit ang mga kaldero ug uban pa ug dili pinaagi sa pabuto ug sa mga armas de fuego.
Nahuman ang kasadya sa mga tawo nga walay nabiktima sa pabuto ug naigo sa saag nga bala busa mapasalamaton si Itdang sa Firecracker Ban denhe sa dakbayan.
Dili sama kaniadto dihang wala pa did-i ang pabuto, matag Pasko ug Bag-ong Tuig, naa gayuy mabuthan ug tungod sa kalayo sa ilang barangay sa ospital. dugay matambalan ang samad sa pabuto.
Samtang gipangandaman na usab sa Salaysay Barangay Council ang umaabot nga Bag-ong Tuig diin gipaniguro sa kapitan nga magpabilin nga hapsay ug linaw ang pagsaulog sa iyang katawhan sunod semana.
RadyoMaN Joel Viray
