Sarangani Province—Dili angayan nga mogasto ug dako ang matag LGU sa nasud Pilipinas karong pasko tungod sa nasinatiang pandemya sa Covid-19, kini ang nahimong pahayag sa duha ka mga kapitan sa probinsiya sa Sarangani human nahinabi sa Rmn Gensan News Team.
Matud nilang Barangay San Vicente Glan Kapitan Romeo Zamora ug Barangay Tapon, Glan, Kapitan Ronald Canoy nga inay mogasto ug daku sa pasko ang matag LGU mas maayong itabang nalang ang pundong gamiton alang ngadto sa katawhan nga nagpait karong panahona hilabina kadtong nawad-an ug trabaho gumikan sa epekto sa pandemya.
Dugang sa mga nasangpit nga karong panahona mas maayong saulogon sa matag LGU ang kapaskuhan nga simple ug dapat wala nay mahitabong christmas party ang importante malipayon ang tanan. Mahinungdanon usab nga masiguro nga masunod ang tanang health protocols aron malikayan ang makamatay nga virus. Gihingusgan pa sa duruha ka mga lider sa Barangay nga daghan pang mga problema ang gi-giatubang karon sa nasud mao nga angayang mas hatagan ug dakong pagtagad karong panahona ang pagtabang sa mga nanginahanglan.(RV)
Photo from Web
