*General Santos City— Napangandaman ug husto ang paskuhan sa Gensan karon nga tuig, kini ang gipasigarbo ni Dep-Ed Gensan Assistant Schools Division Superintendent Mario Bermudes.*
*Sumala niya nga sa karon adunay daghan nga mga aktibidad nga anaa na oval plaza nga mulungtad hangtud sa Disyembre 21.*
*Samtang aminado siya nga adunay mga aktibidad ang gipangtanggal tungod wala ginadugok ug tawo rason nga gihulipan ug mas nindot nga mga aktibidad.*
*Dugang pamahayag ni ASDS Bermudes nga nagpabiling anaa sa 4.5 milyon ka pesos ang budget para sa paskuhan karon nga tuig kung asa kulangon matud pa ang maong kantidad apan ilaha na kining gihimuan ug pamaagi.*
*Anaa matud pa ang flea market kung asa ang income niini maoy idugang para sa mga gikinahanglang gastusan. Nauna na matud pa silang nagduso nga patas-an ang pondo para sa paskuhan apan wala na kini napadayon.*
*Gi-awhag man usab niini ang katawhan nga saksihan ang halos duha ka semana nga aktibidad kung asa anaa ang mga pyrotechnics kon fireworks display.*
*Paniguro niya nga adunay daghang kabag-uhan ang makit-an sa paskuhan sa Gensan 2019 hilabina nga pang –global ang mga performance nga makit-an. (Lore Romualdo)*
