Inanunsiyo ng Korte Suprema na half-day na lamang ang pasok bukas sa lahat ng mga hukuman sa buong bansa.
Ayon sa SC, suspendido na ang pasok simula alas-12:00 ng tanghali bukas, October 30, bilang paghahanda para sa Undas.
Saklaw ng half-day work ang Korte Suprema, Court of Appeals, Sandiganbayan, Court of Tax Appeals, at lahat ng first at second-level courts sa bansa.
Ayon sa kautusan, pinayagan ni Chief Justice Alexander Gesmundo ang maagang uwian upang bigyang-daan ang court personnel na makapaghanda at makapunta sa kani-kanilang probinsya para sa paggunita ng All Saints’ Day at All Souls’ Day.
Sa kabila nito, ipinag-utos ng Office of the Court Administrator na magpatupad pa rin ng skeleton workforce sa bawat tanggapan upang matugunan ang anumang agarang usapin hanggang matapos ang regular working hours.
