Passenger Van ug motorsiklo, nagka head-on sa Sayre highway, Upper Puerto!

24
Ang hulagway sa pagbangga sa motorsiklo ug passenger van sa Sayre Highway, Upper Puerto, Cagayan de Oro City! Photo Credit: Oro Rescue

Nagka head-on ang usa ka passenger van ug motorsiklo kagahapon.  Kini atol sa ilang panagbangga diha sa Sayre Highway Purok 7, Upper Puerto ning syudad.

Matud pa ni Police Executive Master Sgt. Bastismo, Jr. nga maoy nerespondi sa maong insidenti, ang motorsiklo nga Honda XRM kolor pula ang naka rehistro sa usa ka Rogelio Caminos, taga Zone 1, Upper Bantilis sa Brgy. Bugo ning syudad sa Cagayan de Oro ug gimaneho kini ni Jay Anasco, residenti sa Brgy. Balubal ning syudad.  Angkas ni-ini ang usa ka EJ Maquiso, 25 anyos, ulitawo ug residenti sa Upper Puerto ning syudad.


Dugang pa sa otoridad nga nakabangga sa motorsiklo ang usa Toyota Hi-ace van nga de pasaheroan nga Kalilangan-Cagayan de Oro liner nga naka rehistro kang Arlyn Pabilona nga taga Poblacion Monkayo, Davao de Oro ug gimaneho kini sa usa ka Dave Monroyo, taga Purok 6, Maramag, Bukidnon.

Basi sa inisyal nga imbestigasyon, nasuta nga pasaka ang motorsiklo padulong sa direksyon sa Bukidnon area samtang pabahada sab ang Toyota Hi-ace sa Cagayan de Oro area.  Gikabutyag nga pag-abot sa nahitaboan sa insidenti, nabanggaan sa Toyota Hi-ace ang motorsiklo.

Sumala pa sa nakasaksi sa maong panghitabo, ilang gi-abisohan ang driver sa motorsiklo nga dunay sakyanan ang naghaguros nga padulong sa ila apan padayon lang gihapon kini sa pagmaneho ug gibaliwala ang pahimangno nga maoy hinungdan sa pagkabangga.

Tungod ni-ini nakahiagom sa serious physical injuiries ang mga riders sa motorsiklo samtang nakamugna sab og damage sa mga sakyanan ang maong panghitabo.



Daling gidala sa mga niresponding taga Oro Recue sa hospital ang driver sa motorsiklo aron matambalan samtang  ang backride ni-ini gidala sab sa mga parenti ngadto sa hospital aron ma-check up!

Kasama mo sa PS6 Puerto, RadyoMaN Andy Coco, DXCC Tatak RMN!


Facebook Comments