Davao City – Magpahigayon og passport on wheels ang Department of Foreign Affairs kun DFA kauban ang City Government of Davao.
Ipahigayon kini sa Davao Recreation Center kun Almendras Gym ning syudad karong March 16- 17, alas 9 sa buntag kutob alas 5 sa hapon diin 4,000 ka mga dabawenyo ang pwede mu-avail niini.
Sumala sa taga Office of the Assistant Administrator for Administration sa Davao City hall nga si Mary Resma, kinahanglan nga muadto sa ilang opisina ang mga buot mu-avail karong Miyerkules, March 7 ug ipasa ang mga photocopies sa dokumentong kinahanglanon sa pagkuha o pag-renew og passport.
Mamahimong andamon daan ang application form, original copy sa authenticated birth ug marriage certificate sa mga minyo lakip ang valid IDs.
Dugang ni Resma nga kabahin sa bayad niini, P1,200 ang expedite fees dugang ang 150 nga courier fee sa pagpadala sa mga dokumento sa kaulohan samtang sa mga magkuha og balik tungod nawala ang passport, magdugang og P350 isip passport fee.
Makuha ang passport human sa 20 working days gikan sa pag-apply.
Mamahimong mubisita lang sa RM. 14, 2ND floor, Administrator’s Office sa City Hall alang sa dugang detalye kabahin sa pagkuha og passport.
RadyoMaN Renz Barbarona
