PASTOR, ARESTADO MATAPOS NGA UWA MAGSUNOD SA SOCIALDISTANCING

33

Altavas, Aklan – Arestado rong sangka pastor matapos nga matapos nga magbayolar sa ginapatuman nga social distancing ko Dominggo it hapon sa Brgy. Dalipdip, Altavas, Aklan.
Rong nasambit nga pastor nakilaea kay Ivan Yadao, 41-anyos ag residente it nasambit nga lugar.
Base sa report it Altavas PNP, nga bangud sa may Executive Order nga ginapatuman ag sambilog kara hay rong social distancing kung sa siin hay rayang pastor hay may ginapatigayon nga church activities ag sa pag check ni Punong Barangay Chairman Edilberto Domingo hay nasayuran nga uwa ra sanda nagasunod.
Ginsaway ra ni Punong Barangay Domingo hasta nga nagsaeabtanan sanda ko Pastor.
Ko ulihi hay ginpakita ni Punong Barangay Domingo sa Pastor rong EO pero ana raya nga binuoe ag pinilak sa eogta.
Bangud kara, gin aresto it mga Brgy. Tanod ag Kagawad ro nasambit nga pastor ag gintawgan it pulis.
Sa makaron hay una eon sa paghinakop it Altavas PNP rong pastor ag nakataeana nga pagakasuhan it pagbayolar sa Section 16 ng RA 10951 o Resistance and Disobedience.

Facebook Comments