Davao City – Natangag ang kapin P10, 000 nga cash sa usa ka pastor nga si Jhaymart Lagbang, 36 anyos, taga- Malambuon, Ecoland ning siyudad human giilad sa duha ka mga tawo nga nagpailang mga pastor.
Mga suspetsado naila nga sila si Joe Sanchez ug Jonathan de Guzman, hamtong ang pangidaron ug nagpuyo sa Digos City, Davao del Sur.
Sumbong sa complainant, gihanyagan matud pa siya nga tabangan sa iyang monisteryo kung mohatag una kini sa mga suspetsado.
Nadala matud pa sa bolatik ang complainant ug nakuha ang iyang 10 mil ka pesos.
Matud ni Pastor Lagbang nga human nakuha sa salapi ang duha, dili na kini macontact sa gihatag niini nga numero hinungdang iya na lamang gipatala sa kapolisan sa Talomo.
Ang Talomo Police Station naghimo na sa ilang inbestigasyon kabahin sa maong pagpangilad.
RadyoMan Paul Canono
