Sa interview sa DXDC RMN Davao kang Jean Saturinas, usa ka pastora ug asawa sa biktimang si Jun Cesar Saturinas, emosyonal niining gisaysay nga walay nakalaban ug hulga nga nadawat ang iyang bana tungod ang ilang kinabuhi nagtuyok lang sa simbahan ug pamilya.
“Daghan kaayo silang pangutana [mga anak]. Ako isip inahan, dili sab ko katubag kay utro sad ko lutang. Wala pa pud ko kasabot. Wala pa sad mi-sink in sa akoa nga wala nakoy bana, gagmay pa akong mga anak,” butyag ni Jean.
Uban sa nagpadayong imbestigasyon sa kapulisan, carnapping o tulis ang motibo sa krimen tungod gawas sa nahanaw nga motor, wala nay sulod ang nabiling pitaka sa biktima.
“Brutal pa gyud ilang gibuhat. Dili sila tawo sa iyang gibuhat sa akong bana. Unta makonsensya siya, dili siya pakatulgon sa konsensya. Ang amoang giampo gyud sa Ginoo ug hangyo sa panggamhanan sa Tagum nga mahuli ug makit-an ug madakpan gyud siya una ilubong akong bana,” panawagan pa sa asawa.
RadyoMaN Ivy Parido
