Pastor patay, human gipusil samtang nagpahigayon ug bible-sharing sa Lake Sebu, South Cotabato

19

Patay ang usa ka pastor, human kining gipusil sa Sitio Lemsu-al 2, Barangay Tasiman, Lake Sebu, South Cotabato, alas 6:45 sa gabie niadtong , Mayo 30, 2021.

Giila ang biktima nga si Pastor Narlito Pandian Tunggay,31 years old, pastor sa Community Bible Church nga nakabase sa Sitio Lemsu-al 2, Barangay Tasiman, Lake Sebu ug residente sa Barangay Lambuling, T’boli, South Cotabato.


Sa imbestigasyon sa Lake Sebu Municipal Police Station, ang biktima ang naglingkod duol sa bintana sa ilang kan-anan ug nagpahigayon ug bible sharing kauban ang igsuon niini, kalit lang kini nga gipusil sa wala pa mailhing suspek gamit ang wala pa matino nga matang sa armas.

Nakaangkon ug igo sa bala ang biktima sa wala nga bahin sa iyang nawong nga milapos sa iyang liog.

Wala na nadala pa sa ospital ang biktima human nga gibakwian gilayon kini sa iyang kinabuhi.

Gikaingong wala makit-an sa mga tawo sa lugar ang pagpusil sa suspek sa biktima gumikan ngitngit ang lugar nga nahimutangan sa suspek.



Sa karon nagpadayon pa ang gihimong imbistigasyon sa Lake Sebu MPS sa motibo ug sa identity sa suspetsadong mipusil patay sa biktimang pastor.


Facebook Comments