Pasyente nga may TB miambak sa hospital patay

27

Patay diha diha dayon ang usa ka lalaki human nga milayat kini sa 5th floor sa usa ka balay tambalanan kon asa naconfine kini sa sakit nga tuberculosis.
Sumala pa dili na kini makadawat sa iyang balatian nga maoy gitoohang rason sa iyang pagpakamatay.
Nakaangkon sa internal hemorrhage ang biktima human nga milayat ug mitugpa kini sa rooftop nga tapad sa building sa Caraga Regional Hospital.
Ang biktima naila sa pangalang si REMLANIE YUBOS MONTICLARO, 52 anyos, residente sa P10 Brgy. Bangonay, Jabonga Agusan del Norte.
Na-confine kini sa Caraga Regional Hospital sa maong sakit apan kagahapong adlawa base usab sa mga nakakita nga miingon kini sa nag-roving nga nurse kalabot na sa iyang sakit nga “BAGAN DI NA NAKO KAYA” sabay dagan sa bintana sa iyang kwarto ug miambak kini resulta sa iyang hinanali nga kamatayon.
Sa pagkakaron wala pa una mupadayag sa ilang habig ang kadumalaan sa tambalanan kalabot na sa nahitabong paghikog sa biktima kinsa usa sa mga pasyenti sa nasampit nga tambalanan.
[image: caraga regional hospital.png]

Facebook Comments

From Advertisers