Pagadian City – Gikonsidera na karon sa Zamboanga del Sur Integrated Provincial Health Office kon IPHO nga recovered na ang pasyente sa COVID-19 delta variant nga taga-Brgy. Danlugan niining syudad sa Pagadian.
Sumala sa Department of Health Region 9, ang unang delta case nga usa ka 22 anyos nga lalaki, returning OFW gikonsidera nga “recovered” na ang status niini kay nag-negatibo man kini pinakaulahing RT-PCR Test.
Apan bisan paman niana gipang-swab gihapon ang pamilya sa pasyente lakip ang iyang mga direct ug close contacts ug gipaabot pa ang resulta niini.
Una nang nasayran, sa tibuok Zamboanga Peninsula, tulo na ka mga probinsya ang dunay natalang kaso sa delta variant lakip ang Zamboanga City, Zamboanga Sibugay ug Zamboanga del Sur ug bugtong walay kaso sa DELTA ang Zamboanga del Norte.
