Pagadian City – Nabali ang kabukugan sa usa ka 50 anyos nga lalaki human niambak sa ika-tulo nga andana sa Pagadian Medical Center Hospital, sa alas 6 karung buntag.
Gideklarang patay sa maong ospital alas-7:00 sa buntag ang biktimang si Romeo Tanipre, lumulupyo sa Purok Duranta, Brgy. Bomba ning syudad nga depress matud pa gumikan sa iyang sakit nga gihambin.
Sa imbestigasyon kauban sa biktima ang iyang misis nga si Felicidad alang pagpatambal labot na sa balatian nga heart failure ug high blood pressure niini apan dihang nananghid lang ang asawa sa biktima nga mogawas sa balay tambalanan arun sa pagpalit og pagkaon nakugang nalang siya dihang dunay nilagubo sa ground floor og nasuta nga iyang diay kining mister.
Nagtoo ang pamilya nga gumikan sa depresyon nihukom ang biktima sa pagpakamatay pinaagi sa paglayat sa maong ospital.
