Davao City – Nahilo na ang usa ka 7 anyos nga batang lalaki nga si alyas Ren-Ren human kini naka kaon ug piniritong manok sulod sa usa ka iladong mall sa may Quimpo Blvd. ning siyudad kun diin dali kining gitabang ug nahatagan ug pasiunang alibyo sa clinic sa maong mall dayon gibalhin sa Adventist Hospital sa may Bangkal.
Base sa report, kalit lang matud pa nalipong ug nagsuka ang maong bata human niya nakaon ang piniritong manok ug sabaw.
Sa kabalaka sa ginikanan ila kining gidala sa maong balay-tambalan.
Sa pirmero mipasalig matud pa ang tag-iya sa namaligya’g pagkaon nga sila ang mobayad sa tanang bayronon.
Kagahapong adlawa wala makapugong ang gwardiya sa nahisgutan nga hospital human nga misibat ang pasyente sa dihang ipabayad kanila ang hospital bill nga mokantidad og dul-an P30,000.
Gidugang sa kabanay sa pasyente nga allegedly gipapas sa attending physician gikan medical record nga nahilo sa pagkaon ang biktima.
Sa pagka karon nahidangat na usab ang liason officer sa nahisgutan nga hospital sa Talomo Police Station aron usab ipatala ang pagsibat sa maong pasyente.
Samtang ang awtoridad padayon pang ginalusad ang follow-up investigation kabahin sa maong insidente.
RadyoMaN Paul Canono
