Patagna Ko i?

Gusto ba nimong mahibaloan ang imong kapalaran karong bulana? Kini giya lamang mga idol, timan-e? nga gikinahanglan ug kakugi, pagpaningkamot, pag ampo plus swerte equals kalampusan sa kinabuhi. Ania na ang mogiya kanimo idol…

iFM CDO Horoscope (February 16, 2019 – Saturday)

ARIES – Nahinumdum kaba sa panultihon nga kung wala kay masulting nindot mas maayo pa kung magpakahilum ka na lang? Adunay mas daghan pang benepisyo ang imong makuha kung pugngan nimo ang imong dila kaysa pasagdan nimo kini sama sa imong naandan na. Bisan pa man kung lisud kaayo nga pasagdan ang mga kasamok sa imong palibot, mas nindot pa gihapon nga mamahimong magpakahilum ka karon.


TAURUS – Ang pagsabot kung unsa ang imong gibati karong panahona mamahimong usa ka komplikado nga sitwasyon, ug makita nimo ang imong kaugalingon sulod niini. Ang pagsabay sa mga panghitabo sa kalibotan dili sayon kumpara sa pagtino kung unsa na ang nahitabo. Hinoon, imbis nga mabalaka ka sa kawalay kasiguraduhan, dawata hinoon nga kini gikinahanglan alang sa kausaban. Kung gibati nimo kini karon, posible nga adunay kalamboan alang kanimo.

GEMINI – Kung makabantay ka nga adunay dilikado na nga sitwasyon sa imong kalibotan, mas bation nimo nga masiguro nimo kini kung anaa ka sa lingkoranan sa nagmaneho ug kontrolado nimo ang tanan. Mas gikinahanglan nimo nga atimanon ang daghang responsibilidad nga mogawas ug mag-usab tali kanimo ug sa usa ka tawo sa imong organisasyon, apan mas maayo ka karon nga mopadayon sa butang kung asa kini nimo nahunong.

CANCER – Ang ideya nga atimanon nimo ang gamay lang nga responsibilidad ang nindot kaayo alang kanimo karon, kini hilabi na gayud nga makakuha ka ug ginansya kung magpabilin ka lang nga magobserbar imbis nga ikaw ang maghatag bsa mga sugo ug mando. Hinoon walay makasiguro sa tanan may kalambigitan sa pagtrabaho sa luyo lang ug ang pagpwesto sa atubangan sa mga butang ug responsibilidad. Kung makabantay ka nga adunay lisud nga sitwasyon, posible sakto ang imong pangagpas.

LEO – Ang imong paminaw nga lig-on ka mamahimong dili basta basta karon, apan mas abtik ka usab karon kung adunay manginahanglan sa imong panabang, ug posible nga mao kini karon ang panahon. Kung gusto nimo nga pahinumduman kung kinsa gyud ang mosabot kanimo, ayaw kabalaka kay anaa kini sila nga klase nga tawo karon, kinahanglan lang nga mas mabinantayon ka sa palibot.

VIRGO – Magkinahanglan sa imong atensyon ang imong kaugmaon karon, klaro usab nga gusto nimong atimanon ang mga butang nga dugay na nimong giplano. Apan, kung tutokan nimo pag-ayo ang maong susamang butang basin hinoon malimtan nimo ang kalipay sa higayon. Ang imong kaugmaon nagkinahanglan ug atensyon karon busa ayaw kini pasagdi.

LIBRA – Usa ka isyu karon ang mopaubos sa imong paningkamot ug pasensya. Aduna usab kini kinaiya nga mohagit sa imong kahibalo ug atensyon. Apan unsa kaha ang mahitabo kung dili kini nimo hatagan ug importansya? Posibele karon nga ang usa ka bugtong rason lang kung nganong mamahimong mahagiton kini kay imo kining gipasagdan.

SCORPIO – Ang sobrang pagpaningkamot aron lang makalikay sa usa ka lisud nga sitwasyon makasamot hinoon sa lebel sa imong stress. Bisan unsa man ang sitwasyon o kasabotan nga dili nindot ug maayo ang pwede ra nimo lingkoran sulod sa pipila ka semana hangtud nga motin-aw na ang imong hunahuna kung unsaon kini nimo pagsulbad. Ang importante lang mao ang imong kiakag sa pagsulbad sa maong problema o sitwasyon.

SAGITTARIUS – Kapila ba ka beses nga madiskubre nato nga ang atong mga gipangita anaa ra diay sa tumoy sa atong ilong? Usahay daghan kaayo higayon ug ingon man panahon ang atong mahatag alang sa pagpangita sa mga butang nga atong gikinahanglan. Sa dili pa ka maningkamot sa paglihok, hunahunaa una nga dili na kinahanglan pang pangitaon kini nimo sa layong dapit.

CAPRICORN – Usa ka saad nga nabuhat sa kainit sa higayon ang posible nga mausab kung mawala na ang emosyon nga kadungan niini. Bation nimo ang kabikil sa sitwasyon ug kung nganong wala nimo gigamitan ug saktong pinsada ang usa ka desiyon nga mao man unta kini ang imong normal nga gabuhaton. Hinoon, ang sobrang pagbati posible usab nga maoy naghatag sa dakung papel kung nganong nahitabo kini nga kasaypanan. Dili pa hinoon katapusan sa kalibotan busa ayaw pakawala sa paglaum.

AQUARIUS – Adunay paminaw sa pagka negatibo nga posibleng makahatag kanimo ug dili maayo nga paminaw. Hinoon, sa kalit lang mawagtang kini nimo nga mga pagbati pinaagi sa pagkakuntento, ug pagbaton ug kalipay sa imong panglantaw. Ayaw pagpalabi sa imong kawalay pagsalig tungod kay makahimo lang kini sa mga sitwasyon nga dili na tinood. Kinahanglan nimo ang positibo nga kinaiya.

PISCES – Ang imong mga mata makakita sa usa pa parte sa sitwasyon, apan ang imong hunahuna maoy daling makakuha sa dili klaro nga sitwasyon. Hinoon, ang imong tingog sa kailaloman mohatag usab kanimo ug senyales nga adunay problema nga nagkinahanglan ug dinalian nga kasulbaran. Sa pagkakaron, ibutang una sa imong hunahuna nga bahala na ang uban kung dawaton nila ang imong solusyon sa mga problema sa palibot, hulati nalang ang resulta sa tanan.

Source: proastro.com

Facebook Comments